Tajak meununtut

Adek-adek lon tajak beusaré
 Bèk laloe lé ileumee tamita
 Beukai hudép dônya ngön uroe pagé
 Singöh akhé seunang ngön bahgia
     
     Meunyö hana ileumee tanyoe jahé
     Supôt haté tuhan neuceula
     Rugoe hudép di dônya sampoe maté
     Uroe akhé leubèh lom seungsara 
     Uroe akhé that meunderita
 
Reff:
        Nyang phôn tatuntut neuyue lé Allah 
        Tauhid ngön Fiqah Tasaôh beuna        
        Nyang peureulee 'in nyan bèk takeubah  
        Tauhid ngön fitrah 'itikeud gata
 
Tanyoe 'ibadat taseumah Allah
Ilmee fiqah beuna lam dada
 Ngön tasawôh meuakhlaqul karimah
InsyaAllah gata neuk bahgia

        Lheuh nyan tatuntut nyang peurlee kifayah
        Jak kuliah tajak sikula  
        Jeut ilmee donya hai neuk han masalah    
        Lam syari'ah hana geuceula       

Peunténg aneuk bèk teuwö keuAllah
 Taibadah hukôm tajaga
Dak singöh hana lé mak ngön ayah
Neuk meutuah nyang baca do'a