seulamat bahgia

Ngön rahmat tuhan nyang peujeut alam
Nyang peujeut adam ngon siti hawa
Nibak uroe nyoe ka neusunténgkan
Dua droe insan teungöh bahgia    

  Linto ngön darabarô duek peulaminan
  Ban dua seunang trok jamee teuka
  Doa meulakee bak sidroe tuhan
  Dua droe insan hudep seujahtra

Peusan keu lintôbarô bacut lôn saran
Amanah tuhan geujok keugata
Beugöt tajaga bek tasiakan
Gata pimpinan lam rumoh tangga
 
 Bek na curiga deungön pasangan
 Beuhudep teuntram lam rumoh tangga
 Bak rasulullah contoh tauladan
 sabe lam teunang si umu masa

   Beuneupeulindong wahe ya rahman
   dua ureung nyan neubri bahgia
   Dua boh nanggroe neubi beuaman
   Seulamat iman tamöng syuruga
  
            Lirik: Syarifuddin Irg

              fb: Syarifuddin IrgulsiniVers
              Pin: 5875012E